Crazy weather outside

Dúdda mía, hvað er að gerast þarna úti, við erum að tala um ÖSKRANDI ROK, GEÐSJÚKA RIGNINGU og TILBEHÖR... Þvílíkt RUGL.
Vá hvað er nú annars langt síðan við pikkuðum síðast alveg fullt búið að gerast hjá okkur, Oliver búinn að taka gráðu/beltapróf í Karate og alls konar skemmtilegt. Gámurinn búinn að koma og fara. Erum að tala um að stofan hjá okkur er overloaduð af dóti (erum samt búin að vera rosalega dugleg að taka upp úr kössum og raða). Það verður sko orðið fínt hjá okkur fyrir jólin og um það snýst málið. Fengum sem sagt gáminn heim á fimmtudagskvöldið eftir mikið þref, og við tæmdum hann á laugardaginn, þeir bræður voru svaka duglegir að hjálpa. Erum kominn langleiðina með að gera Olivers herbergi ready, einnig erum við byrjuð að setja upp rúmið hans Kristofers. Okkar maður voða spenntur með það (hann nær að sofa í því annað kvöld, ég ætla að fara að versla dýnu í rúmið á morgun þar sem ég verð heima (engin vinna)). Ætla að reyna að klára að gera allt ready á morgun. Ástæðan fyrir því að ég verð heima á morgun er sú að Kriss greyjið er með smá hita og búinn að kvarta yfir eyrunum í allan dag. Ætlum að reyna að fá tíma hjá doksa á morgun fyrir strákinn okkar og láta skoða eyrun á honum, en Kriss okkar er búinn að vera kvefaður núna í nokkra daga. Og það eiginlega bara komið mér á óvart hvað hann þraukaði marga daga í leikskólanum (er búin að vera að bíða eftir símtali frá leikskólanum).... Við æltum bara að vera dugleg hérna heima á morgun, sko við Kriss, æltum að sækja svo Oliver í skólann og skutla honum svo á Karate æfingu. Vonandi verður veðrið líka gengið niður svo við getum hent nokkrum pappakössum niður og þvegið þvott, já amma sæta er búin að tengja þvottavélina fyrir okkur svo nú getum því gjörsamlega þvegið eins og MÓFÓ allan þvottinn okkar. Bara allt að gerast hjá okkur þessa dagana.
Eins verður nóg að gera næstu helgi, Oliver keppir í karate á laugardaginn og fer svo í karatebíó á sunnudaginn, hvað við Kriss gerum er ekki alveg ákveðið ennþá en það er búið að bjóða okkur Kriss á jólaball (meiri segja búið að bjóða Kriss á 2 jólaböll). Annars eigum við bara eftir að vera að slappa af, en við nennum ekki að vera að hlaupa um allar búðir eins og MÓFÓ að kaupa jólagjafir, við erum svo að segja búin með okkar kvóta (eigum eftir að kaupa bara eitthvað smá)...
En segjum þetta gott í bili þangað til næst.
Kv. Berglind og Gormarnir