Æðislegt VEÐUR hjá okkur í dag...

Vá þvílík RJÓMABLÍÐA sem var hér í dag og er reyndar enn klukkan 21:00 er 20°C hiti hjá okkur ekki amalegt það eða hvað???? Veit því miður ekki hvað hitinn fór í dag, en það var eitthvað hátt með mikill sól.
Dagurinn byrjaði eins og allir hinir Kriss okkar vaknaði fyrstur og ákvað að fara inn til Olivers að glápa á Dýrin í Hálsaskógi og leyfði Oliver það ekkert mál. En í staðinn bað Oliver Ma um að baka pönnslur a la Amma (vá Ma sem aldrei hefur áður bakað pönnslur varð að standa sig í stykkinu núna). Og jú jú sú Gamla gat þetta alveg en þær hefðu ekki getað tekið þátt í neinni keppni en góðar voru þær víst!!!! Oliver var sko alveg í skýjunum með hana Mömmu sína sem bakaði pönnslur og já já gerði súkkulaðibitakökur í gær, hann var í sæluvímu strákurinn.
Eftir pönnslu át þá fóru feðgarnir saman út á róló og upp í skóla að leika en Ma fékk að vera heima í SÓLBAÐI (vá hvað það var æðislegt). Þeir feðgar voru sko heillengi úti að leika, Oliver hringdi nú samt í Ma og bað hana að koma með eitthvað að drekka þar sem þeir voru að kafna úr hita og svita og hefðu alls ekki getað hugsað sér að labba heim svona þyrstir og jú hvað gerir mamma ekki fyrir strákana sína dreif sig í föt og út með vatn (hljóp svo nánast heim í sólbað aftur)...
Þegar þeir komu svo loksins heim fór Kriss beint út í garð að leika meira en Oliver fór smá stund inn í tölvuna kom svo út á svalir til Mömmu, og var þá ákveðið að allir skyldu bara skella sér í garðinn þangað til sá Gamli myndi GRILLA. Vorum við bara öll úti að leika og skemmta okkur ekkert smá GAMAN að hafa svona GOTT veður. Það voru sko allir í stuði skal ég segja ykkur..
Svo fór sá Gamli að grilla og við hin að slappa af (að vísu var Kriss úti þangað til það var kallað á hann í mat, ótrúlega duglegur að leika sér svona úti í garði). Svo var bara matur frekar seint og svo bælið fyrir Kriss okkar en Oliver fær nú að vaka aðeins lengur í dag þar sem við þurfum öll að fara rosa snemma að sofa á morgun. Oliver er að fara á Takewondo sýningu (að sýna náttúrulega) á sunnudaginn og þurfum við að mæta upp í íþróttahús hérna klukkan 07:40 á sunnudagsmorguninn og svo er keyrt í halarófu til Frakklands þar sem sýningin fer fram, verður bara stuð hjá okkur á sunnudaginn...
Sólarkveðjur frá okkur til ykkar...
Lúxararnir með Rjómablíðuna.