Gleðilega Páska :-)

Vá þá er súkkulaðihátíðin löngu byrjuð hjá okkur.. Vá hvað þetta er nú yndislegt það jafnast ekkert á víð Íslenskt Páskaegg!!
Dagurinn byrjaði nú óvenju seint á þessu heimili en að sjálfsögðu vaknaði samt Kristofer fyrstur nema hvað! En hann nennti ekki einu sinni á fætur strax bað bara um að mamma myndi kveikja á Dýrunum í Hálsaskógi.. Stuttu seinna vaknaði nú samt Oliver og dreif í því að finna páskaeggin sín (mamma faldi sko hans páskaegg í gærkvöldi en greinileg á alltof léttum stöðum þar sem hann fann þau bæði STRAX ) og þá tók við kvöl og pína jú því Ma sagði morgunmat fyrst svo mætti opna páskaeggin (því það er nú nógu erfitt samt að fá þá bræður til að borða morgunmat) og jú þeir voru nú ekki lengi að því að skófla í sig morgunmatnum til að fá smá SYKUR... Svo voru eggin opnuð og Oliver las málsháttinni fyrir þá bræður...
Eftir smá sykurát fóru þeir svo bara að leika sér. Ma og Pa skelltu sér svo aðeins út á bensínstöð en bræðurnir nenntu ekki með svo Oliver var heima að passa Kriss og gekk það bara eins og í sögu þeir voru sko eins og ljós þegar við komum heim (Oliver hefur nokkrum sinnum áður verið einn heima með Kriss (þeir eru þá bara með GSMinn hans Olivers við hendina ef eitthvað er) og þetta hefur alltaf gengið eins og í sögu, Oliver kann sko alveg að vera góður við bróðir sinn og Kriss getur alveg hlýtt Oliver þ.e.a.s ef fullorðna fólkið er ekki heima til að skipta sér af)...
Þegar ma og pa voru svo kominn heim ákváðu strákarnir að skella sér út í garð að leika og jú jú græddu þeir ekki meira súkkulaði (stelpurnar í húsinu við hliðin á komu færandi hendi með poka með páskaeggjum í, vá þetta var nú orðið of mikið)... Voru þeir svo duglegir út að leika meðan Ma og Pa voru að gera matinn kláran að þeir fengust ekki einu sinni inn í mat!!! Við fengum svo Rabba og Ella (sem vinna með pabba) í mat og enn var ekki hægt að fá okkur til að borða... Við vorum bara svaka stilltir, enda hafði Kriss náð í skálina með páskaeggjunum í og vorum við bara á beit í henni... mömmu fannst við svo óvenju hljóðlátir að hún tékkaði nú á okkur og vitir menn við á kafi, svo skálin var bara fjarlægð ekkert annað hægt í stöðunni. Enda kom líka sykurkastið svo í ljós, en mamma gat nú reddað sér, því um það leyti sem karlarnir voru að fara í vinnuna náði hún að fá okkur upp að borða, við matarborðið bauð svo Oliver Kriss í bíó inn til sín enda klukkan orðin frekar margt (já miðað við Kristofers svefntíma) og jú Kriss þáði bíóið. Fóru þeir bræður svo saman inn til Olivers eftir matinn, komnir í náttfötin og búnir að bursta! Ekkert mál og eru enn inni hjá Oliver og hefur bara ekki heyrst í þeim. Oliver bauð meiri segja Kriss að sofa inni hjá sér í nótt og það þótt Kriss ekkert smá spennandi sagði sko JÁ HÁ við því boði!!! Sem segir okkur að hann Oliver á það sko alveg til að vera SVAKALEGA GÓÐUR við bróðir sinn!!!
Ég vill sko alls ekki fara upp að trufla þá, þeir koma bara niður þegar myndin er búinn þ.e.a.s ef þeir verða ekki bara sofnaðir áður....
Þeir eiga sko enn eftir FULLT af páskaeggi svo þeir fá aftur meiri sykur á morgun. Ákváðu það samt áðan ef þeir myndu ekki klára allt í dag þá gætu þeir bara fengið páskaegg aftur næsta laugardag og leist Ma sko vel á þá hugmynd.
Segjum þetta gott af okkur Súkkulaðigrísunum í bili...
Kv. Lúxararnir