Grasið slegið í dag!!!!!

Vá hvað er góð GRASLYKT hjá okkur núna, já karlinn fór sem sagt í það í kvöld að slá blettinn (getum ekki verið minni menn en nágrannarnir eða hvað??)...
Dagurinn byrjaði eins og allir hinir Kriss fyrstur á fætur!!! Fórum svo að koma okkur á fætur hægt og rólega, um það leyti sem við vorum kominn niður kom sá Gamli heim úr vinnunni já hann sem sagt var að vinna í nótt!!! Ma ákvað því bara að fara með Kriss í bíltúr fórum til Germaníu að versla í matinn... Tókum okkur góðan tíma í það enda vorum við bara 2 saman í þessum business í dag, Oliver vildi frekar vera heima og karlinn fékk að sofa!!!!!
Þegar við Kriss svo loksins komum heim drifu þeir bræður sig út í garð að leika enda alveg æðislegt veður... Ma ákvað því bara að hafa matinn snemma svo við gætum farið eitthvað saman út eftirmatinn. Fengum við núðlumat A la Amma í matinn sem er sko í miklu uppáhaldi hjá þeim bræðrum, var því vel borðað áður en við skelltum okkur út....
Oliver ákvað að fara á hjólinu meðan við hin löbbuðum bara, Oliver fór á róló og þar var hann Sallúka (hvernig sem það er nú skrifað) bekkjarbróðir hans þar svo Oliver varð bara eftir á róló meðan við hin fórum í göngutúr í skóginn... Tókum langan góðan göngutúr, komum svo við á rólónum aftur á leiðinni heim og voru þá miklu fleiri krakkar komnir á róló svo Oliver vildi bara fá að vera áfram sem var sko bara í góðu lagi (ekki svo oft sem krakkarnir hér eru úti að leika).. Já ég gleymdi alveg að segja frá því að þeir bræður fóru út á stuttermabol og stuttbuxum. Við hin Gamla settið og Kriss fórum hins vegar heim og beint út í garð að leika, karlinn að laga sláttuvélina, þegar græjan komst svo í lag ákvað karlinn að slá grasið og við Kriss þvældumst bara fyrir (Kriss náttúrulega bara til að stríða). Ákváðum svo að fara að raka grasið saman eða já Kriss tók fjórhjólið sitt og keyrði yfir grasið sem ég rakaði saman og hló sig alveg máttlausan af því svaka fyndið, ha!!!!!!!
Vorum svo úti lengi eftir það eða þangað til við föttuðum hvað klukkan var mikið, var þá Kriss okkar drifinn inn fékk að borða, svo sturtu þar og bælið!!!! Já vorum alltof lengi úti enda fattar maður ekkert hvað tímanum líður í svona góðu veðri/bjart mikið lengur, maður er ekki alveg búinn að ná þessu enn...
Svo það mætti segja það að þessi síðasti dagur VETRAR hafi bara verið alveg frábær með góðu veðri.
Segjum þetta gott af okkur í bili...
Kv. Lúxararnir