Heimalærdómur í fyrsta skipti.

Well well well
bara aftur komin helgi, tíminn líður sko bara ALLTOF hratt þessa dagana, brjálað að gera í skólanum og ég sé fram á það að ég læri bara helgina fyrir próf, hef eiginlega ekki tíma til þess fyrr... Annars var vikan rosalega fljót að líða, þeir bræður svaka duglegir eins og alltaf og Reynsi mikið að hjálpa okkur!!! Lendir allt á ömmu, Reynsa og Kristínu að aðstoða mig en annars má sko alls ekki gleyma því hvað hann Oliver minn er nú bara duglegur og ábyrgur!!! Hann getur sko það sem hann vill og ætlar sér, það er ekki nokkur spurning!!!!
Kriss var rosa glaður Tannálfurinn kíkti við hjá honum með 500 kr. svo var það bara venjulega vika hjá okkur. Í gær föstudag kom hins vegar Stubbur minn heim með sitt fyrsta heimanám, vá föstudagurinn byrjaði vel svo kom upp að dægradvöl var ekki opin þar sem allir kennararnir voru veikir (Reynsi gat sem betur fer bjargað okkur). En þegar ég loksins komst heim þá var ákveðið að hendast með Oliver á karateæfingu og meðan Oliver var á æfingu fórum við Kriss saman í heimanámið hans, ekkert smá gaman hjá okkur og rosa flott hjá honum!!! Honum fannst þetta líka alveg æðislegt að vera kominn með heimanám!!!! Eftir karateæfinguna fór Oliver með Flóka og Gústa í bíó svo hann kom ekki heim fyrr en geggjað seint!!!
Í morgun vorum við svo frekar svona LÖT og sváfum svona aðeins lengur en venjulega!!! Oliver náði nú að læra sitt heimanám áður en við fórum út (svo ægilega leiðinlegt að hafa heimanám hangandi yfir sér alla helgina). Þegar við vorum svo loksins öll ready drifum við okkur á handboltaæfingu en Kriss líst rosalega vel á þær. Svo var farið í bíó já stór fjölskyldan fór saman á "Síðasta bæinn í dalnum" var spes sýning og gaman að fyrir þá bræður að sjá loksins þá marg um töluðu mynd!!! Það var bara fínt enda mörg ár síðan ég sá hana síðast!!!! Eftir bíóið var farið að versla þar sem það var hungursneið í ísskápnum okkar!!! Svo komu amma, Reynsi, Jón Egill og Tómas Ari í mat til okkar!! Bara gaman að því!
Í fyrramálið ætlar Kriss með Ömmu, Jóni Agli og Tómasi Ara í heimsókn til Löngu og Langa ég held ég haldi mér heima í tiltekt eða lærdómi í staðinn!!! Svo verður bara komin aftur venjuleg vika hjá okkur...
Nú ætlum við að athuga með fótbolta líka fyrir Kriss en dægradvölin og HK bjóða upp á það að krakkarnir labbi sjálf (öll saman) úr dægradvölinni og yfir í Kórinn á fótboltaæfingu með HK, við ætlum að skoða það mál en það byrjar þá núna á mánudaginn. Líst bara rosalega vel á það!!! þarf bara að skoða þetta með hver gæti sótt Kriss á æfingu klukkan 16 í Kórnum á mánudögum! Að vísu er minn maður að fara fram á það að eignast sjálfur sinn húslykil af Konungshöllinni okkar, því hann vill verða sjálfstæður eins og bróðir sinn, fá að fara heim sjálfur úr dægradvöl og stjórna þessu aðeins þ.e.a.s hvenær hann fer heim!!!!
Well segjum þetta gott af þessari helgi...
Over and out.