Búin að missa AÐRA tönn....

Dúdda mía
hvað Stubbur var glaður í morgun þegar hann var að tannbursta sig :-) já já maður bara burstaði tönnina úr og beint í lófan á sér :-))) hann brosti sko ALLAN hringinn... Ekkert smá gaman að missa tönn, missti aðra í neðri góm svo nú er hann með risa stórt gat, komumst að því að það væri hægt að leggja RISA bíl í gatinu.. hehehhehehe
Annars er alveg fullt búið að vera að gerast hjá okkur, ég í skólanum á FULLU og þeir bræður voða duglegir að sjá um sjálfan sig!!!! Oliver er sko rosalega duglegur að hjálpa mér, fer flesta daga að sækja Kriss í dægradvöl og er með hann þangað til ég kem heim, á miðvikudaginn fóru þeir td. saman í strætó til Kristínar, Kriss varð þar eftir meðan Oliver var á karateæfingu og þetta var sko ekki mikið mál. En Oliver er að standa sig þvílíkt vel þessa dagana!!
Á föstudagskvöldið fékk Kriss LOKSINS afmælisgjöfina sína þetta líka fína hjól, var ekkert smá ánægður með það BROSTI allan hringinn og gott betur en það.. Við vorum svo öll í mat hjá Kristínu og Co. á föstudagskvöldið bara stuð!!! Á laugardaginn var farið svona frekar seint á fætur (sem betur fer) við drifum okkur á fætur og í fötin svo Kriss kæmi nú ekki of seint á sína fyrstu handboltaæfingu og leist stráknum bara nokkuð vel á það, mér leist voða vel á stelpurnar sem eru að þjálfa sem er náttúrulega bara flott því mér finnst það skipta svo miklu máli. Við drifum okkur svo heim eftir æfingu þar sem Kristín og Co + amma voru á leiðinni til okkar. Fengum okkur að borða og drifum okkur svo út að hjóla á nýja hjólinu sem var bara sport. Ég fór svo að læra með stelpunum en strákarnir voru eftir hjá ömmu og Kristínu. Við vorum svo öll vel þreytt á laugardagskvöldinu það sofnuðu sem sagt ALLIR í stofunni!!!!
Í morgun var svo sú gamla rosa þreytt en Kriss alveg í essinu sínu, kjaftaði af honum hver tuska. Á endanum drifum við okkur út með ömmu en Oliver fór hins vegar með Reynsa í bíó bara gaman hjá honum. Svo var það að sjálfsögðu snemma í bælið í kvöld þar sem það er skóli hjá öllum á morgun og tannálfurinn ætlar að kíkja við hjá honum Kriss okkar...
Segjum þetta gott í bili.
Kv. Mamman og gormarnir