Gleðilega Páska

Góðan daginn.....
Þá er súkkulaði hátíðin hafin og við Kriss búin að vera bara fyndin í morgunsárið..... Tókum okkur til brunuðum til Ma og fengum lánuð lítil egg svo Oliver þyrfti nú að hafa fyrir því að finna sitt stóra, en Oliver bað um það í gær að eggið hans yrði falið og í morgun þegar ég vaknaði datt mér í hug að láta hann í smá leik. Gerðum nokkrar vísbendingar og alltaf þarf Oliver að finna nokkur lítil páskaegg á hverjum stað, í dag verður leikurinn auðveldur og þar sem Kriss faldi eggin með mér eru miklar líkur að hann kjafti einhverju í Oliver. Á næsta ári verður gerð meiri tækni/kröfur og falin fleiri egg og þá þarf Kriss líka að leita..... En hann nennti ekki að taka þátt í leiknum í ár, vildi bara fá að vita hvar sitt egg væri. Oliver leist ekkert á blikuna þegar við vöktum hann þar sem það beið hans vísbending á koddanum!!!! Nennir ekki að byrja að leita strax en ætlar að takast á við leikinn þegar hann er betur vaknaður!!!!! Held að þetta verði fullkomnara hjá okkur á næsta ári þegar við höfum nú þegar smá reynslu, en ég bjó til vísbendingarnar í morgun hjá mömmu áður en við drifum okkur heim, földum eggin og vísbendingarnar í fljótu bragði svo þetta ætti nú að verða auðvelt fyrir Oliver.
Og ég efast ekki um að litla kjaftakerlingin mín eigi eftir að kjafta einhverju. Held að þetta eigi eftir að vera skemmtilegt fyrir þá þegar þeir þurfa báðir að vakna á næsta ári og báðir að leita!!! Það verður alla vegana gaman að sjá hvernig þetta kemur út.. Í kvöld er það svo matar hjá Kristínu og Co. svo það er bara afslöppun hjá okkur í dag.
Annars er ég að verða svo öflug á Gasgrillinu, það var bæði grillað í gær og fyrradag, það sem meira er að þetta bragðaðist allt vel!!!!
Segjum þetta gott í bili.
Over and out.