Snjór snjór KULDI kuldi

Helló allir,
Jæja þá er komið kvöld á Íslandinu góða og ég loksins sofnaður....
Ég átti alveg yndislegan dag í snjónum í dag ég segji nú bara ekki meir... Meikaði ekki alveg að vakna fyrir heimsókn í KÓSK svo Ma lét mig bara sofa (enda erum við í fríi halló). Svo kom Reynsi frændi heim og vakti mig nennti ekki að leyfa mér að sofa allan daginn. Við frændurnir drifum okkur svo út í snjóinn (ég er að tala um ég ekki með nein vetrarföt fór út í snjógalla af Reynsa frænda sem var bara brotið upp á, vel stór ha) fórum í brekkuna hjá Kirkjunni og renndum okkur út í eitt, vorum útí alveg heillengi ekkert smá gaman.. Fórum svo heim og þá var Ma búinn að ákveða að fara í eitthvert búðarveseni og versla í matinn og eitthvað sem ég nennti sko bara alls ekki að fara með í svo ég fékk nú bara að vera einn heima og leika mér í leikjatölvunni hans Reynsa ekki leiðinlegt það... Svo fengum við Tvíbbana í heimsókn í hádeginu en við vorum að fara að passa þá aðeins meðan Gamla settið þurfti að fara í búðarferð... Var bara að leika við þá þangað til hann Róbert vinur minn kom í heimsókn (eftir skóla hjá sér) fyrst vorum við Robbi bara inni að leika okkur ákváðum svo að skella okkur út í Kirkjubrekkuna til að renna okkur, fyrst hentumst við heim til Róberts að sækja sleðan hans og svo löbbuðum við út í Kirkju og vorum þar þangað til Ma kom og sótti okkur nokkrar mínútur í 21 (já það mætti segja að við höfum verið úti að renna okkur í tæpa 4 klukkutíma) vá hvað ég var líka svangur, þyrstur og þreyttur þegar ég kom loksins heim og ekki þótti okkur Róbert leiðinlegt að fá bara far heim.. En í brekkunni voru bara eftir við Róbert og einhverjir Unglingar já allir krakkarnir á okkar aldri farnir heim.... Þegar heim var komið fékk ég SS pylsur og Malt og Appelsín ekki amalegt það..... Á morgun ætla ég að reyna að meika heimsókn í skólan þ.e.a.s ef ég get vaknað og svo ætlum við Róbert að skella okkur í bíó... Kanski kíki ég með Ma í heimsókn til Ömmu Löngu en hún á afmæli á morgun og við ætlum að kíkja á hana áður en við förum heim.....
Fer allt eftir því hvenær ég kemst á lappir...
Læt meira frá mér heyra síðar...
Kv. Oliver í kuldanum