Bara 43 dagar í Jólin

Vú hú komin Nóvember og jólin nálgast óðfluga. Vá hvað við elskum þennan árstíma!!!!
Að vísu verður brjálað að gera hjá mér fram að jólum en það er líka bara allt í lagi ég kvarta þá ekki yfir aðgerðarleysi á meðan. En af mér er það að frétta að það var próf í gær mánudag (og hlakka ég alls ekki til að fá út úr því). En svo byrjar nýtt fag á mánudaginn og það er víst geggjað erfitt fag svo ég ætla að vera mjög séð og klára jólagjafirnar í þessari viku og kannski baka líka þessa einu sort af smákökum!!!! Svo það verði einhverjar smákökur þetta árið, en ég fer í síðast prófið 20.desember svo já ég baka ekki mikið eftir þann tíma, líka allt í lagi að byrja þar sem fyrsti í aðventu er núna 30.nóvember... Strákarnir synir mínir ætla svo að sjá um jólaskreytinguna í ár og kvarta ég ekki yfir því.. En þeir ætla að skreyta jólatréð og alles (ætli við gerum það ekki bara eftir prófið hjá mér).. Ég verð nú að fá að vera með líka!!!!
Annars er það af okkur að frétta að Bjarni H. kom í heimsókn þegar strákarnir voru í skólafríi og lék við þá bræður í marga daga og ekki leiddist þeim það!! Kriss var sóttur í skólann í hádeginu (þurfti EKKERT að fara í dægradvöl í marga marga daga)... Oliver var svo sóttur eftir skóla hjá sér og svo var leikið allan daginn og fram á kvöld!!!!
Svo fannst Kriss svaka erfitt þegar pabbi fór en honum þykir mjög svo leiðinlegt að kveðja pabba sinn, en Reynsi frændi kom og reddaði okkur fór með þá bræður í ræktina fljótlega eftir flugvöllinn á föstudeginum var svo bara róleg heit hjá okkur, við öll þreytt eftir vikuna. Svo já á laugardaginn var Reynsi með strákana allan daginn og fram á kvöld (já svo ég gæti lært fyrir prófið) fór með þá út um allt og skemmti þeim, svo á sunnudaginn þá var þeim bræðrum boðið í pönnslur og kaffi til Kristínar og Co og ekki leiddist þeim það heldur, fóru með ömmu og voru þar í dágóðan tíma svo ég gæti lært MEIRA...
Í dag þriðjudag erum við Kriss svo búinn að vera heima í allan dag en litli Prinsinn minn er veikur, Reynsi sótti Kriss í dægradvöl klukkan 16 í gær og fór með hann heim, þar sofnaði þessi elska og svaf í tæpa 2 tíma :-))) svo löbbuðu þeir yfir til okkar og þar var hann Kriss minn ekki í miklu stuði svo þegar mamma kom heim þá tékkaði hún á Stubbnum sínum og þá var hann sjóðheitur þessi elska. Við vorum því heima í dag og hringdum í Tómas Ara og buðum honum að vera hjá okkur líka þar sem hann má ekki fara á leikskólann alla þessa vikuna (já já það er 2 vikna frí hjá honum eftir fallið úr kojunni hjá okkur en það er alveg eðlilegt þar sem hann er enn vel bólginn á höfðinu og höfuðkúpan (sprungan) enn að gróa, svo dúddi verður að passa sig). Tómas kom til okkar eftir tímann hjá eyrnalækninum og var með okkur í allan daga bara gaman að því en þeir frændur voru báðir svo rólegir, Kriss lá eins og skata í sófanum meðan Tómas var ýmist að leika sér eða í tölvunni, ég get sko ekki sagt að það hafi verið fyrirferð í þeim, en þeir voru voða rólegir og góðir!!!!!!! Ég ákvað meiri segja að elda mínar margfrægu kjúllapönnukökur og bjóða þeim og Ömmu í mat í kvöld!!! Svo góðir voru þeir :-))))))
Við Kriss ætlum líka að vera heima á morgun þar sem Kriss kom niður rúmri brauðsneið í morgunmat og var núna fyrst að borða kvöldmatinn sem hann skilaði svo beint í klósettið!!! Hann er sem sagt ekki orðinn HRESS!!!!
Oliver er hins vegar bara eins og alltaf og ekkert VEIKINDA vesen á honum! Er bara úti að leika sér, er úti þangað til að honum er sagt að koma heim! Hann er mjög sáttur í nýja skólanum og líður rosalega vel þar sem er sko bara snilld (alveg æðislegt)... Hann er búinn að eignast fullt af vinum í Hörðó svo heldur hann enn sambandi við strákana í KÓSK (er að æfa með þeim nokkrum blak) og svo er honum boðið í öll strákaafmælin hinu megin svo hann kvartar ekki yfir því finnst það alveg æðislegt...
Það mætti því segja að það sé alltaf alveg nóg að gera hjá okkur!!!
Bara gaman að því :-+)))))
Segjum þetta gott af okkur, ætlaði bara að setja inn línu eða tvær...
Over and out..
Berglind, Oliver og Gubbarinn mikli