Enn ein helgin búin

Well well well
Þá kom að því, já ég fer að pikka!!!!!
Öll vikan búin sem er svo sem bara ágætt þetta var náttúrulega styttri vinnuvika sem var líka bara mjög gott :-))) á miðvikudeginum fór leikskólinn í "Sveitarferðina" og já já mér var ekki boðið með! Nei takk hann Kriss minn vildi ekki hafa foreldar með, hann er orðinn svo STÓR! En allt í góðu með það, þau fengu alveg yndislegt veður og Kriss fannst rosalega gaman í sveitinni. Miðvikudagurinn 14.maí var líka merkilegur fyrir annað já Afi/Langi varð 75 ára á þeim degi (gat því miður ekki haldið veisluna núna þar sem hann var á spítalanum á afmælinu sínu) en við vitum að við fáum pottþétt veislu síðar (þegar karlinn er orðinn hress)..... Vikan leið svo alltof hratt! Byrjaði með því að Kriss var veikur á hvítasunnudag og annan í hvítasunnu en fór engu að síður í leikskólann á þriðjudeginum enda orðinn mikið hressari og nennti ekki að hanga inni. Svo var það bara sveitaferð og róleg heit.
Svo kom að helginni já loksins var komið helgarfrí en við elskum það öll að fá að sofa út. Í gær laugardag þurfum við samt að vakna til að hendast með Oliver í ljós en það var vekjaraklukka sem vakti okkur í það (já ég veit svefnburkur). Eftir ljósin kíktum við í kaffi til Löngu og Langa (þar fékk Kriss að sjá skurðinn hans langafa og hefur mikið talað um heftin sem eru í fætinum á honum). Við vorum svo bara á chillinu, um kvöldið grilluðum við öll saman svaka stuð, fullt af góðum mat og gaman. Þegar gestirnir voru farnir þá lögðumst við í sófann og horfum á mynd (bara svo gott).
Í dag sunnudag þá vöknuðum við aftur við vekjaraklukku þar sem Oliver var að fara í óvissuferð með Karatedeildinni. Við Kriss fórum svo heim í morgunmat eftir að hafa skutlað Oliver. Amma bauð svo Kriss með sér í sund (en Kristín og Co. voru líka í sundi) bara huggulegt hjá þeim. Eftir sundið fóru allir til Kristínar þar mætti ég svo á svæðið! Við Kriss fórum svo að versla í matinn eftir kaffið hjá Kristínu þar sem ísskápurinn hér á heimilinu var með GARNAGAUL dauðans! Drifum okkur svo heim í leti þar sem ég dormaði og Kriss lék sér í bíló. Kriss var svo orðinn virkilega svangur og bað um að við myndum elda kvöldmat, þar sem við sáum það að Oliver var ekkert á leiðinni heim á næstunni (enda fínt veður á íslenskum mælikvarða) þá elduðum við matinn, borðuðum og gerðum Kriss klárann fyrir svefninn þegar það allt saman var klárt hringdi Oliver loksins og við sóttum hann!!!!!!
Svo er núna LÖNG vika hjá okkur "euróvika". Þá ætlum við öll snemma í bælið :-)) Það er líka VORHÁTÍÐ í leikskólanum hjá Kriss á morgun og þangað ætla ég sko að mæta.
Segjum þetta gott í bili, vona að það verði ekki alveg svona langt á milli hér eftir.
Over and Out.
Ritarinn og Gormarnir