Oliver og Amma farin til Íslands

Well well well
Þá eru Oliver og Amma sæta farin... Oliver var sko alveg sáttur og ánægður með það að fara og kysstust þeir og knúsuðust bless já þeir bræður... Kriss var ótrúlega brattur þegar Amma fór, held án gríns að þetta hafi verið auðveldara fyrir alla þar sem Oliver fór með Ömmu.. Erum svona enn að ná áttum hvað þetta varðar en það kemur allt saman. Á sko pottþétt ekki eftir að vera jafn mikið líf og fjör á heimilinu meðan Oliver okkar er að heiman. En hann kemur nú sem betur fer fljótlega aftur. Var bara í stuði í gærkvöld þegar þau voru lent en þá hringdu þau í mig að láta vita hvernig ferðin hefði gengið og Oliver var að sjálfsögðu eins og ljós með Ömmu sinni (held hann sé bara óþekkur þegar við Bjarni erum nálægt alveg merkilegt ha).. Svo náði ég tali af þeim aftur í morgun og voru þau þá mætt í heimsókn til Kristínar, tvíbbarnir eflaust búnir að sakna ömmu sætu mikið. Oliver enn eins og ljós, það sem meira er hann sonur minn vaknaði eldsnemma (mjög svo ólíkt honum).. En auðvita er tímamunur við erum 2 tímum á undan svo kanski hefur það verði málið, og Oliver farið svona snemma á fætur út af því hver veit???
Oliver á pottþétt eftir að vera í góðum málum á Íslandi, efast ekkert um það, fær alla athyglina í heimi og að passa frændur sínar og það leiðist honum ekki...
Segjum þetta gott í bili, ætla að fara í það að skrúbba húsið.
Kv. Berglind sem saknar Olivers