Stekkjastaur kom fyrstur.....

Já þá er fyrsti jólasveinninn búinn að koma í heimsókn til okkar. Og mætti sá galvaskur með bíla í farteskinu en Oliver fékk Mustang og Hauskúpu lyklakippu en Kriss fékk Dodge (og þar sem hann var pínu óþekkur í gær fékk hann bara bíl)..
Dagurinn byrjaði sem sagt bara skemmtilega það var hlupið fram úr bælinu og niður til að kíkja í sokkana sem við höfum hérna frammi á veggnum.. Svo var aðeins kíkt á bílana meðan borðaður var morgunmatur, svo var það náttúrulega bara skóli (nema hvað)...
Ma mætti svo að sækja Kriss og sagði honum að þau ætluðu aðeins í Mallið að kíkja á hrærivélar þar sem Ma vill svoleiðis í jólagjöf og þá sagði Kriss bara NEI þú færð bara dúkku Baby Born ekkert annað... En þau kíktu sem sagt smá stund í Mallið svo hringdi Pabbi og hann var kominn í smá frí í vinnunni svo hann vildi komast heim svo þau rétt náðu að sækja karlinn fyrst svo Oliver.. Þegar heim var svo komið var ákveðið að setja Jólasvein utan á húsið en hann hangir í svona ljósa stiga rosa flott og er hann að reyna að klifra upp í Olivers herbergi.. Svo var bara chillað áður en Oliver fór aftur í skólan...
Meðan Oliver var svo í skólanum þá voru Ma og Kriss bara að chilla fór að lita í jólasveina litabók og ákváðu svo allt í einu að skella sér í strætó á pósthúsið þar sem Pabbi var að fara vinna og þetta smell passaði hjá þeim þau hlupu inn á pósthúsið svo aftur út og þá kom strætó sem passaði ákkúrat upp á að sækja Oliver í skólan.. Svo löbbuðum við öll saman heim og þá var farið í heimalærdóm og Kriss að fikta í jólaskrautinu en honum finnst það bara svo flott að hann á erfitt með að hemja sig og láta það alveg í friði...
Eftir lærdóm var svo heitt kakó og smákökur smá svona jólastemming enda orðið jólalegt heima hjá okkur nema hvað!!!
Kriss fór svo snemma í bælið þar sem hann vildi ekki missa af jólasveininum og nú situr Oliver og skrifar jólakort til 2-Y á Íslandi (en það er gamli bekkurinn hans í Kópavogsskóla).. Eftir það er það bælið hjá stráknum...
En þeir bræður eru nú orðnir svolítið spenntir fyrir jólunum og telur nú Oliver niður fyrir Kriss hvað eru margir dagar í Jólin og svo í Ömmu...Enda styttist þetta óðfluga, ha...
Annars gáfu elstu bekkingar í Olivers skóla öllum yngri nemendum Kinder egg í dag þar sem jólasveinninn var að byrja að gefa í skóinn og ekki þótti Oliver mínum það leiðinlegt... Já og ekki má gleyma því að Kriss fékk að skreyta jólatréð í sínum skólanum í morgun en þau byrjuðu daginn á því.. Bara gaman :-)
Samt full alvara ennþá hjá Oliver og verður próf næsta föstudag sem er svona upprifjun úr gömlum hlutum svo ballið er ekki alveg búið...
Jæja dúllurnar mínar, verið nú duglega að kvitta fyrir komuna...
Heyrumst.
Jólabræðurnir í Lúx..