Langur dagur

Halló,
Þá er komið kvöld hjá mér og ég farin að glápa á TV nánar tiltekið hann Svamp Sveinsson vin minn á þýsku og mér finnst hann alveg jafn fyndinn á þýsku og hinum tungumálunum (íslensku/ensku)....
Þetta er nú samt bara búinn að vera fínn dagur, vaknaði frekar fúll í morgun ætlaði nú ekki að nenna á fætur en ég lét mig hafa það enda var skóli í dag og það langur dagur og það má ekki sleppa skólanum, ha.... Gamla settið ákvað að keyra mig í skólan í dag þar sem þau voru hvort sem er að fara með Kriss og mamma man ekki hvað hún gerði við strætókortið mitt (vonum bara að hún fari að finna það)....
Í hádeginu kom svo sá Gamli að sækja mig þar sem Mamma var heima að elda uppáhaldið mitt þessa dagana "Pasta a la Mamma" og var maturinn ákkúrat tilbúinn þegar við pabbi mættum á svæðið svo við gátum bara hlammað okkur beint í sætin, ekkert smá huggulegt.... Eftir matinn ákváðum við að skella okkur í smá bíltúr áður en við Kriss færum aftur í skólan og var það nú bara fín tilbreyting.... Svo skutlaði Mamma mér í skólan eftir hádegi....
Þegar skólinn var svo loksins búinn var sá Gamli mættur eina ferðina enn á rútunni að sækja mig sem mér þótti nú bara alls ekki leiðinlegt, alltaf gaman þegar sá gamli sækir mig.... En því miður þá þurfti hann að hendast beint í vinnuna eftir að hann sótti mig svo já það voru bara ég,Ma og Kriss heima það var nú samt bara í góðu... Ég þurfti eins og alltaf að byrja á heimalærdóminum (en vitir menn kennarinn hafði gleymt að skrifa hvað ég ætti að læra heima, en ég mundi nú svona nokkurn veginn hvað ég átti að gera svo við mamma unnum bara út frá því) en þar sem ég var nú svo heiðarlegur að segja mömmu hvað ég ætti að læra þá leyfði mamma mér að hendast út að hjóla eftir smá lærdóm, með þeim skilyrðum að ég myndi sko lofa því að fara að læra um leið og ég kæmi heim aftur og að sjálfsögðu stóð ég við það..... Var svaka duglegur að læra eins og alla hina dagana og fékk svo að fara niður eftir lærdóm að horfa á Svamp Sveinsson, sem er í miklu uppáhaldi hjá mér.... Svo er það bælið sem tekur við eftir TV gláp, en ég verð nú að vera skapbetri á morgun þegar ég vakna enda er nú bara stuttur dagur hjá mér á morgun SEM BETUR FER og alveg að fara að koma helgi... Vá hvað tíminn líður hratt, já og ef ég held áfram að vera svona duglegur og stilltur þá fer ég til Íslands eftir 23 daga...
Hlakka til að sjá ykkur þá (ætla mér bara að vera duglegur og stilltur)
Oliver flotti.........