Geit eða EKKI geit???

Góða kvöldið,
já það er sko spurning er þetta GEITIN sem er sífellt að angra hann Kriss okkar eða er þetta eitthvað annað??? Þar sem eina ferðina enn þá er hann kominn með vibban á hökuna. Sem betur fer á ég krem á lager (en það sem mér finnst svo skrítið er að þetta kemur bara þegar það er mikið frost, snjór og þessi blessaði kuldi). Gæti þetta verið eitthvað annað??? Endilega komið með hugmyndir!!!!!!

Annars gengur lífið bara sinn vanagang Oliver kominn á fullu í íþróttir (fer í fótbolta og karate hjá Breiðablik (lang bestir ef þið vissuð það ekki)), svo ætlum við að athuga með skák í skólanum hjá honum. Stendur sig að sjálfsögðu líka vel í skólanum, fórum á foreldrafund saman í fyrradag og auðvita fékk hann bara HRÓS hún hafði bara gott um hann að segja og eins og alltaf áður þá eigum við ekki að hafa áhyggjur af honum Oliver okkar. Kennarinn talaði líka sérstaklega um það hvað hann væri kominn í góðan félagsskap núna en þeir eru 4 mikið saman og þeir eru bara svaka góðir saman jafn ótrúlegt og það er já 4 strákar sem eru góðir!!!!! En kennarinn er voða ánægður með þennan 4 manna hóp!!!

Við Oliver skelltum okkur saman í bíó um helgina fórum að sjá Eragon og það er sko bara þessi fína mynd. En áður en við skelltum okkur í bíó ákvað Oliver að fá sér aftur eyrnalokka allt í lagi hægt að nota sama gamla gatið og lokknum bara troðið í gegn allt í góðu. En hvað haldið þið jú nú vill Stubbur líka fá BLÁAN eyrnalokk í eyrað, jú ég held ég leyfi honum það bara, Oliver bað um þetta þegar hann var á sama aldri og þá fékk Oliver þetta ekkert mál held ég láti þetta bara eftir Kriss mínum líka en honum finnst þetta GEGGJAÐ COOL núna....

Það er ekki hægt að segja annað en þeir bræður séu bara rosalega ánægðir á Íslandinu góða, Kriss ætlar alltaf að eiga heima hjá Ömmu alveg sama hvað, hann vill bara búa í ömmuhúsi og þegar við í framtíðinni finnum okkar okkar eigið hús þá ætlar Kriss ekki að koma með okkar. Hann er búinn að segja mér þetta svona milljón sinnum hann vill alltaf eiga heima hjá ÖMMU SÆTU GÓÐU.....

Svo er eitthvað smá vesen með kaggan minn, ég bara bíð og bíð eftir honum og greyjið stóra skinnið liggur bara í höfn (sem betur fer hér í Kópavogi). En það er einhver stífla í Tollinum sem vonandi leysist í þessari viku, veit ekki hvort ég hafi ENDALAUSA ÞOLINMÆÐI að bíða eftir honum. Fékk að vita það í dag að vonandi myndi þetta ganga í gegn fyrir helgina. Já við bíðum alla vegana spennt.

Búið að gerast alveg fullt síðan síðast sem ég man svo sem ekki, ekkert svona merkilegt eða þannig.

Annað er svo sem ekki að gerast hjá okkur bara fullt í gangi eða þannig Farið út eldsnemma og svo kemur Oliver heim fljótlega eftir hádegið, fer þá nánast strax út aftur annað hvort á æfingu eða út að leika við vini sína. Við hin erum bara í leikskólanum og vinnunni, hittumst svo seinni partinn öll heima og njótum þess að vera saman. Kriss greyjið er sko uppgefinn eftir hvern einasta dag enda svaka duglegur að leika sér úti og þar fyrir utan eru hann og Amma svaka dugleg og labba oft heim eftir leikskóla, svo hann er alltaf (nema ef gestir eru) sofnaður klukkan 19:30, sem er sko bara hið besta mál....

Jæja segjum þetta gott af okkur þríeykinu í bili...
Over and out.
Berglind, Oliver og Kriss