GLEÐILEGT ÁR....

Hellú everybody,
Vá bara komið 2007 hver hefði síðan trúað því... Já á þessu herrans ári verður hann Oliver minn 9 ára og Kriss minn 5 ára (vá og ég enn bara 20 ára hvað var ég eiginlega UNG þegar ég átti þessi börn mín) já maður bara spyr sig?????

En já það var sko HÖRKU stuð í gær þeir bræður í essinu sínu, fengu að skreppa með Reynsa á æfingu og púluðu komu svo heim til að sprengja smá upp, svo var farið heim að borða og eftir matinn var smá afslöppun þar sem Oliver nuddaði Ömmu og Kriss greiddi henni (já bara lúxsus hjá kellu)... Svo var rölt á BRENNUNA nema hvað... Þar var náttúrulega hörkustuð, hittum JEP, TAP, KB, PVJ, Nonna og Hrafnhildi... Svaka gaman, löbbuðum svo smá með þeim heim, en ákváðum að drífa okkur heim áður en SKAUPIÐ byrjaði..... Því miður verð ég að segja fyrir mína part að Skaupið var ekki að slá í gegn eða fyndið frekar en fyrridaginn... Fannst það bara fúllt. En eftir skaupið var farið í gírinn aftur (Kriss vakinn og við í fötin og út að sprengja) oh mæ god ÞVÍLÍK LÆTI strax eftir skaupið í SPRENGJUNUM... En Kriss fannst þetta bara æðislegt en hann vildi eins og eftir jólin (þá vildi hann fleiri jólasveina til að gefa í skóinn, fleiri jólapakka) en í dag vildi hann FLEIRI SPRENGJUR sem betur fer er til fullt af sprengiglöðu fólki sem er að sprengja og við áttum nokkur stjörnuljós eftir svo hann fékk stjörnuljós í dag... Svo á morgun verðum við ÖLL í FRÍI...

Já við ætlum svo sem að nota daginn á morgun vel, hendast í Smáralindina eftir galla fyrir hann Oliver en hann ætlar að skella sér í Breiðablik núna í vikunni fara bæði í Fótbolta og Karate... En við redduðum 30.des legghlífum, inniskóm og Takkaskóm fyrir fótboltan en eigum eftir að redda dressi og galla fyrir fótboltan og eigum svo eftir að fá listan frá Karateþjálfaranum. En einnig vill Oliver fara að athuga með skák (sem er kennt í skólanum eftir skóla) sjáum til með það á eftir að fá info frá kennaranum hans um það!!! En okkar maður vildi líka fara í Takewondo en því miður þá er ekki hægt að gera ALLT eða hvað??? Einnig þyrfti þá að bæta nokkrum dögum inn í vikuna og klukkutímum í sólarhringinn.... Svo nú er bara fyrir drenginn að fikra sig áfram, um hvað hann vill gera.... Byrjum á fótboltanum og Karatenu (hann veit hvernig Takewondoið er).. Svo gerir hann þetta bara endanlega upp fyrir næsta skólaár hvað á að gera og hvað ekki...

Einnig er Oliver LÖNGU BÚINN að plana afmælið sitt, enda stutt í það oh mæ god, jólin varla búin þegar næsta partý tekur við!!!!!!!!!!!! Kriss mjög upptekin af því að verða 5 ára talar mikið um það að hann sé að verða 5 ára (ekki lengur á næsta ári heldur bara þessu)... Já svona líður tíminn víst fljótt, mér finnst bara eins og það hafi verið í gær sem hann Kriss minn fæddist í henni Ameríku. En það hefur sko ýmislegt víst gerst síðan hann kúturinn okkar fæddist.

Annars erum við bara öll í góðum gír, nóg að gera. Enda jólin rétt búinn en við eigum sko eftir að hafa yfirdrifið nóg að gera á þessu nýja ári líka. Okkur er sko bara farið að hlakka til að takast á við það. Vonandi að ég komist til LON í lok apríl (þá er árshátíð í vinnunni en þar sem ég er svo nýbyrjuð þá er ég á biðlista). Já mín verður að komast til útlanda að versla (já er ekki alveg nauðsynlegt að versla eitthvað í útlöndum alltaf)...
Jú jú svo er kagginn minn kominn í SKIP... Vá hvað mig hlakkar til að fá hann en Audinn fór sem sagt í skip milli jóla og nýárs svo nú bíð ég bara spennt eftir símtali/bréfi frá Atlantsskip um að bílinn minn sé kominn í höfn!!!!... Og inn í bílnum er aukasíðbúinnjólapakki fyrir strákana.. SPENNÓ...

En segjum þetta gott í bili af okkur :-)
Over and out.
BGB, OBB og KBB